注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

吹雪世界之窗

青煙墨竹

 
 
 

日志

 
 

黃子華金句彙編  

2009-08-30 17:54:23|  分类: 黃子華集 |  标签: |举报 |字号 订阅

  下载LOFTER 我的照片书  |

飲得high high地,不如返屋企

損人先利己,打贏靠暗器

若要人不知...唔好咁低B....

得閒奸一奸,大病都好翻

你唔醜,你點算醜啊,你係塊面唔多實用咁解嘛,你嘅鼻台太大,啲眼耳口鼻咪唔見使咯

處男系無資格自殺嘅!

錯就要認!要對方認!!!

損人不利己,不如跳井死~~~

有恩不報未算差,有仇不報正人渣!

三十六著,恃強淩弱!

江湖一滴血,不對外人說,如對外人說,日夜流鼻血。

愛情有如流星雨,短暫而美麗。

如果你沒有時間談情就請你跟我露營。

只要有泳衣,死左都有得醫!

你好巴閉咩?我夠有3個C咯,CHEAP、CHEAPER、CHEAPERPER!

你愛嘅,得唔到;你唔愛的,你甩唔到。

卸咗妝後仲認得叫做化妝,認唔出嘅叫做喬裝

化妝叫make up,女人唔單止俾個make up你睇,仲要俾埋個making off你睇

鞠躬盡瘁死而後已,If I try so hard啲, I will DIE after worst.

百佳呢個名改得好,甘大間鋪頭只系得100樣嘢系佳.呢啲咪叫做謙虛羅.

基本上男人系做到三個不,不主動,不抗拒,最重要我地系不負責嘅.

啲老闆成日話啲員工做野都唔羅個心出來,激死人.啲員工就成日話老闆都唔羅舊金出來,洗死人.

你返去同日本人講~~釣魚臺我地中國的!

佢畀份人工你,一半係畀你做嘢嘅,一半係畀你受氣嘅

啲豬扒令到我哋啲男人好唔安樂

但卻令到你哋啲女人好快樂.

buffet 不妨食過分,出貓唔好太高分.

我有一份工...叫做陰功

喺愛情之中,女人最偉大!男人嘅犧牲,就為咗追求美麗;而女人嘅犧牲,就只系得到一個麻甩佬!而最偉大嘅系佢哋根本唔覺得系犧牲。

我第一次戀愛之前,我嘅小龍女只需要一個條件,就系靚,我知我咁樣諗好膚淺,但系嗰陣時我重細,唔知道原來身材都好重要架。

殺人放火金腰帶 今次唔得幫你挽鞋!

唔該你失戀就唔好唱情歌啦,失戀唱情歌即系漏煤氣,你關窗姐

好多人結婚,最初就以為自己係婚姻嘅用家。後來先發覺自己係感情嘅炒家,於是想離婚。 但係離婚又要攪幾年,睇住周街都係新盤靚盤,自己個盤又放唔出,幾難受!

我從小就知道,我係一個偉大嘅演員。

人哋細個成班細路群埋,鐘意玩扮結婚,扮爸爸媽媽。我細個,就鐘意扮姦夫淫婦。

但係唔知係咪我個樣比較老實,我係從來都冇機會扮姦夫。每次我都係扮淫婦......嘅老公。

雖然係咁,雖然,我亦都係成班人之中最細嗰個。但係我已經可以將一個妒忌嘅男人心態表現得淋漓盡至。

當然,我啲朋友個個都讚我,話我天生出嚟,就係戴綠帽嘅。

如果你話我聽,因為我唔靚仔,所以唔可以做戲,你唔應該話我聽!因為唔關我事,我唔應該負呢個責任,你應該同我父母講,係佢哋攪成我咁嘅。如果你要罰,應該罰佢哋。以後,邊個醜樣,就罰佢爸爸媽媽唔準做戲!或者剩係做茄呢啡!

我唔係一個唔負責任嘅人,為我爸爸媽媽嗰短短一剎嘅快感,我已經負責負咗廿幾年。你估做我好易做啊?

我細個讀書唔好,或者唔合格,我冇要父母負責。我自己簽曬啲成績表嘅。

每當我爸爸媽媽有爭執鬧交嘅時候,我有冇叫佢哋為咗我嘅童年著想,忍下對方?冇!我叫佢哋出街鬧!

我大個咗,唔知應該信邊個宗教,唔知做人為乜,唔知人生事業嘅方向都冇要求父母照顧我。

反而係我調番轉頭,提醒佢哋:你哋要搵錢啊,積穀防飢啊,唔係第日老來無依無靠啊!

乜嘢都係我!

一件汙,二件穢,三件無所謂。

白雪公主,識得果個系王子,灰姑娘識得果個又系王子;

有個有特殊嗜好,中意錫青蛙噶女人錫左只青蛙一淡,

只青蛙變出嚟嘅又系王子!有冇人諗過根本個王子系同一個人呢?

根本呢個王子都不知幾花心,周圍溝女。仲無良到扮青蛙去溝添!

所以話,其實呢個世界上沒王子,只有撲街,最憎就系果啲扮王子噶撲街!!

但後來隨著世界噶發展,我覺得現代噶愛情故事當中,其實都系無公主噶.因為等白馬王子救噶果個系公主,拿把劍噶王子救果個又系公主,就連扮青蛙果個王子救噶都是公主.其實果個公主都唔知比人救過幾多次啦.甘又有冇人諗過根本個公主其實都系同一個人呢?呢個公主其實都不知幾貪心想有好多王子救佢.

愛唔係PART-TIME,你唔可以話:『愛!做完咪走囉!』  

戀愛係一盤生意,你要二十四小時諗住佢。  

自己生意,冇所謂PART-TIME 正識。  

人地放假或者過年過節,你更加要開OT添。  

行花市啦行海旁啦睇戲食飯啦....  

你有乜嘢競爭對手呢?  

我冇競爭對手?!  

你估你係專利巴士公司呀?  

港巴都執咗啦!  有冇考慮結婚?  

咁就要向公眾交代,咁就即係上市啦!  

所以,『中學生應否談戀愛』唔係問題、  

問題係『人類應否有兩份全職工作?』  

你再拍拖,需要知會你老闆:  

『老細,我出面搵咗份戀愛,我真係好需要呢份戀愛?,不過公司嘢我會照做,我兼顧到。』  

然後你老闆會話:  

『咁你不如搵多份愛情,咪直情唔洗番呢分工囉』  

依家啲人溝女,對絛女最大嘅要係乜呀?  

唔係靚,最緊要,係夠新鮮!  乜嘢叫做夠新鮮呀?  

就係話、溝咗一年嗰個,就唔夠溝咗半年嗰個咁正。  

因為半年嗰個新相識,新鮮啲。  

同樣,溝咗半年嗰個,就唔夠三個月咁正。  

溝咗一個月就唔夠半個月嗰個咁正。  

溝咗一日就唔夠半日咗個正,如此類推,終於...  

溝咗嗰件,就唔夠未溝果件咁正!  

咁即係點呢??  

仲溝唔溝好呢?一溝就唔正?!靚仔係唔係真係咁重要呀?  

有啲人話男人唔駛靚仔嘅,有才華咪得囉.  

係,你有冇試過帶你嘅才華去落啲isco識女仔呀?  

人地啲靚仔一行入去,唔洗二十分鐘,就已經同的女仔互相問問題:  

[你度定我度?]  

我帶住我嘅才華入到去,幾難先搵到個女仔肯比個機會我.  

唔係比機會我交換問題,而係比機會我天才表演.  

唱歌跳舞做話劇講大話功夫表演,成套歡樂今宵一個人做一次......  

失戀係會令人成長嘅.  

我失戀之前,一向都覺得世界上所有問題都有答案.  

點解我地每日都要8點鐘起身返工呀?  

因為夠鐘囖!  

點解我地有夠鐘呢樣嘢呀?  

因為我地唔用浮動上班時間囖.  

點解呢個世界有戰爭?  

因為我地有武器羅.  

咁點解我地要有武器呀?  

因為佢地有武器囖.  

一切都有答案,直到我失戀.  

阿珍,點解你唔愛我?  

阿珍比咗一個經典既答覆我,佢話:  

“愛情係冇點解嘎,係唔可以解釋嘎,唔好問啦.”(記緊這句啦)  

如果番學阿sir問我嘢都可以咁答就好啦!  

“黃子華,物體燃燒點解需要氧氣呀?”  

“阿sir,係冇點解嘎,係唔可以解釋嘎,唔好問我啦!”

  评论这张
 
阅读(105)| 评论(2)
推荐

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017