注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

吹雪世界之窗

青煙墨竹

 
 
 

日志

 
 

Human Being Or Born  

2010-07-25 20:08:49|  分类: 人在旅途 |  标签: |举报 |字号 订阅

  下载LOFTER 我的照片书  |

  《Human我生》,古巨基2006年嘅專輯,同最新專輯《時代》有住異曲同工之妙。但我想講嘅,唔係古巨基嘅專輯,係我嘅心情。如果有聽過呢兩張專輯嘅人,又對時代變改及歲月流逝比較有感觸嘅話,應該就明白我講緊乜。雖然我唔鍾意古巨基,但我依然推薦呢兩張專輯。

  琴日嘅聚會,好突然,但毫無疑問,又係唱K。朝早十一點突然接到思興嘅電話,叫我一齊去K歌王。一個鐘頭嘅車程,足夠令我思考好多唔等使嘅嘢,例如,邊個出現,邊個唔出現,已經唔再係我所能夠控制嘅事——我過去那死黨早晚共對,各也扎職以後,沒法暢聚;而終於相約到,但無言共對,疏淡如水。不過,我亦會循例打電話去問一問。

  我唔知點解思興好強調俾我聽“輝仔一陣都會出現”,係咪佢覺得輝仔去我就一定會去,輝仔唔去,我就未必去呢?冇所謂啦,邊個點諗都係一樣,最重要係,肯聯絡我去,證明我仲未被遺忘,多謝思興。

  我嘅Look越嚟越型,型到當我出現嘅時候,佢哋居然冇人認得我——都係副超嘅問題嗟。聚會現場不嬲都係咁衣香鬢影。輝仔依然係咁輝仔,俾仁英笑佢哋肉生埋喺啲唔應該生嘅地方。林婷黑咗,可能要拍電視曬得多啩,不過,佢哋粵語進步咗好多,表揚一下。老闆依然咁老闆,同兩個星期前見佢嗰陣無多大區別,唔錯!思興都係咁大隻,肌肉夾得死烏蠅,勁啊!仁英就瘦咗好多囖,佢份工唔係人人都啱打。書記仲係帶家屬,依然咁好玩;茂喜仲係仲係咁靚仔;小熊熊都無點變!喜宏成為了獄長以後,依然容光滿面,歲月完全無喺佢哋身上留底任何痕跡~!(依家講呢句話係咪為時尚早呢?)可惜就係傳悅哥哥要加班,波哥亦唔喺身邊~人生總會有多少遺憾嘅!

  班友仔晚黑全部走嗮去仁英屋企,打雀嘅打雀,打地鋪嘅打地鋪,打其他嘅打其他,惟獨我一個另有事情,所以冇去。相信各位都唔會怪我嘅。畢業之後其實已經係難得的聚會。老闆話要唔do啦,準備翻老家,既係話留喺讀嘅人越嚟越少。又唔係大家成日有相同嘅日子放假,到時就真係同李克勤嘅《愛不釋手》描述到一模一樣囖。

  评论这张
 
阅读(51)| 评论(0)
推荐

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017